Siña hala rosea.
Rosea ta siñabo pasenshi. Kon pa wanta dolor, kon pa wanta sla i kon pa parti amor. Si bo no hala rosea, bo no por biba balansá.

Siña siña.
Mas bo sa. Mas bo por. Mas bo ta kompronde. Mas bo por krea. Mas bo por logra.

Siña skucha.
Mas bo skucha, mas bo ta siña. Di otro, pero tambe di bo mes. Un hende siña ta un hende respetá.

Siña papia.
Dor di papia, bo ta parti, bo ta eduka i bo ta wordu eduka dór di bo mes.

Siña duna.
Mas bo duna, mas bo ta haña, mas bo por parti i mas lo wordu partí ku bo.

Siña parti.
Bo bida ta mas bunita ora bo parti. Or abo parti, otro lo parti ku mas smak ku bo. Un pan parti ta yena dos barika i krea dos sonrisa.

Siña laga bai.
Tur kos ku a pasa ta den pasado kaba. Bo no por kontrola pasado, pero bo por krea un futuro.

Siña historia.
Si bo sa fei na unda bo a bini, bo sa mas mihó na unda bo por bai.

Siña kere den bo mes.
Si abo kere den bo mes, tur kos ku lo bo hasi lo ta mas mihó, mas fásil of mas interesante. Abo ta bo kreador!

Siña biba.
Úniko kos ku bo ta sigur di dje, ta e momentu aki ku bo tin. Ayera a pasa, i mañan kisas no ta bini. Esaki ta tur ku bo tin. Duna tur ku bo por i e tiki ekstra ku bo tin skondí den bo.

SIÑA EKSELA!
TA E MIHÓ KU ABO POR TA!

Music of Choice: Levi Silvanie – Pret di Paden

Advertisements