Introdukshon Andrew “Andy” Kirchner

Mi nòmber ta Andrew “Andy” Kirchner i mi ta un Instigadó Kreativo ku hopi eksperensha di bida, Nasé na Kòrsou, mi a muda bai Hulanda, bin bèk Kòrsou, bai Hulanda i bini bèk atrobe. Mei mei di tur e eksperensha ei mi a biaha Oropa pa siña di otro kultura i etika. Mi a traha na Alemania, España, Belgika i Hulanda. Mi a traha komo limpiadó, bailadó, mènedjer, DJ te doño di mi mes skol di Salsa. Komo empresario chikitu, bo tin ku lora man pa bo yega. Den anochi mi tabata traha den bar, den dia mi tabata guia hóben nan pa nan logra nan meta nan. Tòg, kiko ku mi a purba, semper mi ta sinti ku mi tabata falta di algu.

Te un dia mi a aksidentá, keda paralisá i realisá ku tur loke ku mi mester ta den mi mes. Ami ta tin ku kere den mi mes. Mi no por duna otro hende falta, ni duna e mihor di mi mes, si mi no ta kere ku mi a logra di ta e mihor persona ku ami por ta. E dia ei tur kos a kambia.

Den mi bida diawendia mi ta konsiente di tur kos ku mi ta hasi, Kon mi ta hasi. Pakiko mi ta hasi. I mas importante, pa ken mi ta hasie. Mi por ofresé mi servisio na tur hende ku mi ke, pero si ami no ta kompletu ku mi mes, nunka mi no por yuda otro bira kompletu.

Mi mester a siña kana di nobo. Siña kome, siña baña, siña kore outo, siña traha di nobo i mas difísil, siña di ta liber atrobe. Den e libertat ei mi a disidí ku tur kos ku a pasa, ta pa ami por sirbi otro hende ku mi eksperensha. Nos ta lubidá kon inteligente nos ta, kuantu forsa nos tin. Ami no por lubidá mas i ku wowo habri mi ta deskubrí posibilidat nan di bida.Ken mi ta coach? Mi ta coach hende ku ta kla pa aseptá nan responsabilidat. Hende nan ku a siña nan lès di “ku eksperensha ta bin eksito.” Ku fayo, ku dignidat ta bin logro. Hendenan ku ta kompronde ku berguensa ta pa hende ku no ke siña i mehorá nan mes. Mi kliente ta hende ku ke sa kiko nan por logra si nan ta kere den nan mes.

Laga ami yuda abo deskubrí bo mes.
Bira e kreador di bo mes futuro.

Download tur informashon ku bo ke por nada, djis klik riba e link.

Introdukshon

Coach bo mes seshon

Bira e kreador di bo mes futuro

Varios

 

Pa mas informashon:

TRP Signature

 

 

 

 

 

Advertisements